Kali瑞典试玩《Star WarsBattlefront》

上回讲到Kali去到瑞典之旅首站哥登堡试玩咗《Need For Speed》，由于行程非常紧凑，试玩完当日就即闪，飞返首都斯德哥尔摩，率先试玩一众机迷同星战迷都引颈以待嘅劲game《Star Wars:Battlefront》。当日来自四十几个唔同国家嘅gamer同Youtuber，一连两日进行试玩、参观studio同製作人访问，第二日仲要好似返工咁由朝早9:00玩到下昼5:00，原来朝九晚五嘅生活係可以咁快乐不知时日过！

冇故事模式 主力网上协力同对战

开game首先见到嘅係Battlefront嘅游戏介面，华丽但简约，最重要係有好多模式拣都唔觉乱。不过测试版只有三个模式可以拣，Survival mode类似持久战，可以单人玩，亦可以上下分镜同朋友合作玩，假如你毒不可耐完全冇friend，选择网上搵人合作玩都得。Beta嘅Survival mode只可玩到第6波， 而正式版就会有15波玩，要由第1波抵抗帝国军直至第15波后有空军支援为止。第二个mode係Drop Zone，即係8 vs 8嘅对战模式，双方会为争夺天空跌落地嘅逃生仓控制权而对战，即係同传统抢点霸地有啲相似，不过要稳守一段时候后，夺得逃生仓就成功得1分，如是者边一方得分最多为之嬴。而最令人期待嘅就係共40人对战嘅Walker Assault嘞，呢个模式试玩果两日就玩得最多，玩家分成两边20人对打，一方係反抗军Rebel， 另一方係黑暗势力嘅帝国军Empire。Empire利用两只AT-AT进攻Rebel，所以对战中Rebel要将地图上嘅Uplink站开启，一直开到对方嘅AT-AT失去保护罩，就可以call Y -Wing bomber炸爆佢又或者揸架T-47 speeder飞去用cable缠趺佢，打爆两只就算嬴，而Empire就要不断shutdown对方所开嘅Uplink Station，守住佢直至时晨到，AT-AT成功大举进攻，就係Empire胜利之时。

Unlock快好世界

所有武器喺网上设定都係一样，最初嘅主武器A280C Blaster真係唔多好用，射程短唔够powerful，所以要赚多啲点数同升级，数小时后就可以买支DH-17，而最后果支DLT-19 blaster rifle係最好用嘅，射程较其他三支远，火力亦较集中。而装备技能上，就有card比大家解完自订，第一张card係手榴弹、热雷管或离子手榴弹，第二张card係保护网或可换其他card，例如加强rifle攻击力等，而第三张card就有jetpack或cycler rifle，玩家根据自己嘅打法去自订呢啲装备 ，每次用都有时限，用完要等时间充翻满再用，而第二张更需要随地执或买电card去用，一张用一次。

Walker Assuault模式  玩尽星战元素

玩大地图对战Walker Assault模式可供40人对战，呢个mode最能展现出Star Wars星球大大大战嘅气氛，Kali冇写错字，因为个地图真係好大，用三个大形容就最啱嘞！而玩家亦可以喺呢个对战中随机喺地上执蓝色透明嘅牌，例如X-wing/T-47战机、Luke Skywalker/Darth Vader英雄牌、AT-AT/snowspeeder、座地砲、Air-strike、地雷等等，执完再搜集几张星星牌，视乎每张牌要求几多张，储够星就可以call出嚟用！ 所以咁大个地图，其实係有组织有目的去玩，四处收集呢啲牌，攻或守住Uplink Station，虽然地图大，但每次都会因为Uplink Station嘅据点而集中大量嘅玩家喺果度对打，当四处都有战机天上追逐、机械人四处跑、英雄人物雪地劈友、士兵嘅jetpack弹来弹去，再加埋互射时啲激光弹蕉蕉声，真係好有星味！临场感一流！

◆ 问答游戏开始，以下边种mode係今次beta有嘅？A,Survival，B,Drop Zone，C,Walker Assault，答中或者答唔中嘅朋友，EA即送出名贵Beta试玩会藉！
◆ 有人唔惯玩大地图，唔知做咩好，守Uplink Station，开或关Station就係所有玩家主要目的！
◆ 你睇佢样咁反叛，一定係Rebel反抗军啦。
◆ 呢个成个囧样咁，实係黑暗势力Empire啦！
◆ 睇住下面条bar生命值做人就知自己条命有几短嘞。
◆ X-wing速度好快，係T-47嘅剋星。
◆ 执倒张笋牌都唔係即刻用，要周街收集呢啲星星牌先开得嚟用。
◆ Call啲机出嚟用时个款真係好型！
◆ 你睇，一比佢有机会做Hero，即刻好似饿咗好耐起势冲嚟蕉劈我！
◆ 冇电啦咩！？谢晒皮啦咩！？
◆ 屈机的炮台，我锺意。
◆ 宇宙大爆炸炸炸炸炸……
◆ 中间个盾要买电牌要用得，Kali买咗5张，得咗！
◆ 嗱，正中间果粒好细嘅红点，就係兇手！佢用Cycler Rifle杀我！
◆ 用Air- Strikes一嘢淋落去！效果特别正。
◆ DLT-19係最好用嘅，其他唔使用嘞！
◆ 当日黑武士用佢把激光剑劈到我飞起，霸气就係咁解！
◆ Dice Design Director Niklas Fegraeus，佢话自己都係Star Wars Fans。
◆ 《Star Wars:Batterfront》，你值得拥有。

其实Kali都係比大家玩早两个星期啫！ 唔使等嘞，EA即将喺各大平台推出open beta比大家试玩！ 香港时间10月9号PS4有得download，Xbox One同PC版亦将会喺9号至12号其间比各位测试！ 有机会喺《Star Wars Battlefront》同大家格激光剑啦！ 蕉蕉蕉…