夏日最Hot活动│相约陈柏宇 行山 ＋音乐会 ＠Miss S

Photo：Carson

终于都见番艳阳高挂嘅日子喇！夏日梗係要有太阳先生衬托至够完美啦～

上星期六，我就参加咗陈柏宇（Jason）嘅户外音乐会「Bioré UV x MOOV音乐大晒—陈柏宇」，除咗听歌，最特别仲可以同偶像一齐跳出室外 行山 、亲近太阳，咁特别嘅户外活动，都係第一次！

当日太阳先生好唔客气咁放闪，我Miss Sunny梗係做足準备，带埋Bioré长效清爽防晒喷雾，先可以保持白滑皮肤！非常细心嘅Jason仲不时帮大家补涂防晒，sweet到呢～

边行山边Selfie　鸡公岭前玩航拍

上星期六超好天，走入元朗锦田，主题色就只有：蓝、白、绿，被蓝天白云青山围绕住自己，零舍精神爽利！

当日，Jason连同80位Fans和参加者，由元朗锦田水尾村天后庙出发，沿住村屋行大约半个钟，再走上一个小山坡，眼前就係绿油油嘅鸡公岭，仲可以居高临下欣赏锦田全景，画面极美，我同一班参加者都忍唔住影相、Selfie打卡！

今次所拣路线以平路居多，加上有靓景睇，全程感觉几轻鬆。大家沿途不断同Jason Selfie、倾偈，相信係前所未有咁近距离同偶像接触，大家都非常开心。到咗好有气势嘅鸡公岭，当然来个大合照兼航拍，先下山去名乐村开concert。

迷你音乐会即兴Jam歌

Jason同Fans抵达名乐村后，户外音乐会随即开始。Jason随着心情轻微修改咗歌单，玩即兴Jam咗几首歌，打响头炮係《Medley：木马小盒、别怕失去、行尸走肉》，然后有《让子弹飞》、《航拍》，同埋大家熟悉嘅《没有你，我甚幺都不是》。

虽然当日尾段落咗阵骤雨，但係音乐会气氛全无影响。Jason有木结他伴奏，以acoustic演绎，仲有雨声衬托住，反而仲好feel！

到咗问答游戏时间，「防晒系数SPF 1等于可以防晒15分钟，咁有SPF 50嘅Bioré长效清爽防晒喷雾可以防晒几耐呢？」Jason谂咗好耐都未计到时间，讲笑话：「哗，防晒时间咁长，下年都唔使补喷啦！」全场人忍唔住大笑！其实，答案係12个钟，足足有半日咁多！第二日会去游船河嘅Jason，已经谂住带埋支Bioré长效清爽防晒喷雾，晒足全日都唔使惊。

炎夏必备　清爽防晒喷雾

提起防晒用品，好多人都用防晒乳霜，不过夏天热辣辣，用喷雾就够晒爽！Bioré长效清爽防晒喷雾质感有点似lotion，最锺意佢透明质地唔泛白，非常清爽。佢用咗独有嘅日本Sara Sara Powder技术，防晒粒子可以好均匀咁分布肌肤表面，全面阻隔紫外线，加上防水防汗，效果持久。佢仲加入咗洋甘菊精华，可以为肌肤补充水分，就算长时间日晒，皮肤都唔会好乾。最锺意佢喷落皮肤感觉凉浸浸，天气又热又焗，出咗汗都无负担，全身包括面部同头髮都用得，简直係炎夏必备！